Abhi is taraf na nigaah kar main ghazal ki palken sanwaar lun

Mira lafz lafz ho aina tujhe aine me in utar lun

Wo mahakti palkon ki ot se koi taara chamka tha raat mein

Miri band mutthi na kholiye wahi kohinoor hai haath mein

Wo chandni ka badan khushbuon ka saaya hai

Bahut aziz hamein hai magar paraya hai

Dua karo ke podha sada hara hi lage

Udasiyon mein bhi chehra khila khila hi lage

Patthar ke jigar walo gham mein wo rawani hai

Khud raah bana lega bahta hua pani hai

Sunsan raaston ki sawari na ayegi
Ab dhul se ati hui lari na ayegi

Udaas ankhon se ansu nahin nikalte hein

Ye motiyon ki tarah seepiyon mein palte hein

Koi lashkar hai ke badhte huye gham aate hein

Sham ke saye bahut tez qadam aate hein

Sanwaar nok palak abruon mein kham karde

Gire padhe hue lafzon ko mohtram kar de

Nariyal ke darkhton ki pagal hawa khul gaye badban lautja lautja

Sanwli sarzamin par main agle baras phool khilne se pahle hi ajaunga

Hansi masoom si bachchon ki copy mein ibarat si

Hiran ki peet par baithi parinde ki shararat si

Chamak rahi hai paron mein udan ki khushboo

Bula rahi hai bahut aasman ki khushboo

Aankhon mein rahaa dil mein utarkar nahin dekha

Kishti ke musafir ne samandar nahin dekha

Koi phool dhoop ki pattiyon mein hare riban se bandha hua

Wo ghazal ka Iehja naya naya na kaha hua na suna hua

Yun hi be sabab na phira karo, koi sham ghar bhi raha karo

Woh ghazal ki sacchi kitab hai use chupke chupke pada karo